ਚੰਡੀਗੜ੍ਹ: ਪੰਜਾਬ ਸਰਕਾਰ ਦੇ 15 ਅਹਿਮ ਵਿਭਾਗਾਂ ‘ਚ ‘ਕੈਸ਼ ਫਾਰ ਪੋਸਟਿੰਗ ਐਂਡ ਟਰਾਂਸਫਰ’ ਅਤੇ ਨੀਤੀਗਤ ਫੈਸਲਿਆਂ ‘ਚ ਵੱਡੇ ਪੱਧਰ ‘ਤੇ ਭ੍ਰਿਸ਼ਟਾਚਾਰ ਦੇ ਦੋਸ਼ਾਂ ‘ਤੇ ਸੀਬੀਆਈ ਨੇ ਵੱਡੀ ਕਾਰਵਾਈ ਸ਼ੁਰੂ ਕਰ ਦਿੱਤੀ ਹੈ।
ਸੀਬੀਆਈ ਨੇ ਕੇਸ ਨੰਬਰ ਆਰਸੀ 220 2026 ਈ 0013 (ਰਜਿਸਟ੍ਰੇਸ਼ਨ ਮਿਤੀ: 05 ਅਕਤੂਬਰ 2026) ਤਹਿਤ ਜਾਂਚ ਨੂੰ ਤੇਜ਼ ਕਰਦਿਆਂ ਪੰਜਾਬ ਸਰਕਾਰ ਦੇ 15 ਵਿਭਾਗਾਂ ਨਾਲ ਸਬੰਧਤ ਗੁਪਤ ਰਿਕਾਰਡ ਅਤੇ ਅਹਿਮ ਫਾਈਲਾਂ ਨੂੰ ਤਲਬ ਕੀਤਾ ਹੈ।
ਹਾਈ ਕੋਰਟ ਦੀਆਂ ਹਦਾਇਤਾਂ ਦਾ ਹਵਾਲਾ ਦਿੰਦੇ ਹੋਏ 12 ਅਕਤੂਬਰ 2026 ਨੂੰ ਪ੍ਰਦੀਪ ਕੁਮਾਰ ਵੱਲੋਂ ਜਾਰੀ ਪੱਤਰ ਵਿੱਚ ਸੀਬੀਆਈ ਦੀ ਨਵੀਂ ਦਿੱਲੀ ਆਰਥਿਕ ਅਪਰਾਧ ਵਿੰਗ (ਈਓ-2) ਦੇ ਐਸਪੀ ਕੇ. ਨੇ 04 ਦਸੰਬਰ 2026 ਤੱਕ ਜਾਂਚ ਰਿਪੋਰਟ ਪੇਸ਼ ਕਰਨ ਲਈ ਕਿਹਾ ਹੈ।
ਸੀਬੀਆਈ ਦੇ ਇਸ ਸਖ਼ਤ ਰੁਖ਼ ਤੋਂ ਬਾਅਦ ਪੰਜਾਬ ਸਰਕਾਰ ਦੇ ਪ੍ਰਸੋਨਲ ਵਿਭਾਗ (ਆਈਏਐਸ ਸ਼ਾਖਾ) ਨੇ 14 ਅਕਤੂਬਰ 2026 ਨੂੰ ਪੱਤਰ ਨੰਬਰ 13/18/2026-ਆਈਏਐਸ(3)/967 ਜਾਰੀ ਕੀਤਾ। ਇਸ ਤਹਿਤ ਗ੍ਰਹਿ ਵਿਭਾਗ, ਮਾਲ, ਖੁਰਾਕ ਤੇ ਸਿਵਲ ਸਪਲਾਈ, ਸਿਹਤ ਅਤੇ ਸਥਾਨਕ ਸਰਕਾਰਾਂ ਵਿਭਾਗ ਸਮੇਤ ਸਾਰੇ 15 ਸਬੰਧਤ ਵਿਭਾਗਾਂ ਨੂੰ ਰਿਕਾਰਡ 1pm ’ਤੇ ਸੌਂਪਣ ਦੇ ਹੁਕਮ ਦਿੱਤੇ ਗਏ। ਦਿਨ ਇਸ ਪੂਰੇ ਮਾਮਲੇ ਦੀ ਤਾਲਮੇਲ ਲਈ ਵਿਸ਼ੇਸ਼ ਸਕੱਤਰ (ਪ੍ਰਸੋਨਲ) ਗੌਤਮ ਜੈਨ ਨੂੰ ਨੋਡਲ ਅਫ਼ਸਰ ਨਿਯੁਕਤ ਕੀਤਾ ਗਿਆ ਹੈ।
ਸੀਬੀਆਈ ਨੇ ਚੋਣਵੀਆਂ ਫਾਈਲਾਂ ਅਤੇ ਨੋਟਸ਼ੀਟਾਂ ਨੂੰ ਆਪਣੇ ਕਬਜ਼ੇ ਵਿੱਚ ਲੈਣ ਦੇ ਨਿਰਦੇਸ਼ ਦਿੱਤੇ ਹਨ
ਸੀਬੀਆਈ ਨੇ ਜਿਹੜੀਆਂ ਚੋਣਵੀਆਂ ਫਾਈਲਾਂ ਅਤੇ ਨੋਟਸ਼ੀਟਾਂ ਨੂੰ ਆਪਣੇ ਕਬਜ਼ੇ ਵਿੱਚ ਲੈਣ ਦਾ ਨਿਰਦੇਸ਼ ਦਿੱਤਾ ਹੈ, ਉਨ੍ਹਾਂ ਵਿੱਚ ਕਈ ਸੰਵੇਦਨਸ਼ੀਲ ਕੇਸ ਅਤੇ ਹਾਈ-ਪ੍ਰੋਫਾਈਲ ਨਾਮ ਸ਼ਾਮਲ ਹਨ।
- ਮੁੱਖ ਮੰਤਰੀ ਦਫ਼ਤਰ (ਸੀਐਮਓ) ਦੇ ਅਧਿਕਾਰੀ: ਮੁੱਖ ਮੰਤਰੀ ਦੇ ਸਾਬਕਾ ਓਐਸਡੀ ਰਾਜਬੀਰ ਘੁੰਮਣ ਅਤੇ ਇੱਕ ਹੋਰ ਦੋਸ਼ੀ ਜਤਿਨ ਕੁਮਾਰ ਗੋਹਲ (ਰਾਜਾ, ਪ੍ਰੋਡਕਸ਼ਨ ਮੈਨੇਜਰ, ਸੀਐਮਓ) ਦੀਆਂ ਨਿਯੁਕਤੀਆਂ ਅਤੇ ਤਬਾਦਲਿਆਂ ਨਾਲ ਸਬੰਧਤ ਅਧਿਕਾਰਤ ਹੁਕਮ। ਇਸ ਤੋਂ ਇਲਾਵਾ ਪੰਜਾਬ ਖਾਦੀ ਅਤੇ ਗ੍ਰਾਮ ਉਦਯੋਗ ਬੋਰਡ ਦੇ ਚੇਅਰਮੈਨ ਗਗਨਦੀਪ ਸਿੰਘ ਆਹਲੂਵਾਲੀਆ ਅਤੇ ਡਾਕਟਰ ਰੋਮੀ ਰਾਜਾ ਮਹਾਜਨ ਦੇ ਨਾਂ ਵੀ ਜਾਂਚ ਸੂਚੀ ਵਿੱਚ ਸ਼ਾਮਲ ਹਨ।
- ਨੀਤੀ ਅਤੇ ਲਾਈਸੈਂਸਿੰਗ ਸੌਦੇ: ਖੁਰਾਕ, ਸਿਵਲ ਸਪਲਾਈ ਅਤੇ ਖਪਤਕਾਰ ਮਾਮਲੇ ਵਿਭਾਗ ਦੁਆਰਾ ਸਾਲ 2024-25 ਲਈ ਤਿਆਰ ਕੀਤੀ ਗਈ ਅਨਾਜ ਲੇਬਰ ਅਤੇ ਕਾਰਟੇਜ ਨੀਤੀ 2024, ਮਿਲਕਫੈੱਡ (ਵੇਰਕਾ) ਲਈ SAP ਉਪਭੋਗਤਾ ਲਾਇਸੈਂਸ ਪ੍ਰਾਪਤੀ, ਅਤੇ ਪੀਪੀਐਸਸੀ ਦੀ ਭਰਤੀ ਨਾਲ ਸਬੰਧਤ ਫਾਈਲਾਂ।
- ਹਾਊਸਿੰਗ ਅਤੇ ਬਿਲਡਰ ਕਲੀਅਰੈਂਸ: ਜ਼ੀਰਕਪੁਰ ਵਿੱਚ ‘ਐਸਕੋਨ ਪ੍ਰਾਈਮੇਰਾ’ ਗਰੁੱਪ ਹਾਊਸਿੰਗ ਪ੍ਰਾਜੈਕਟ ਨਾਲ ਸਬੰਧਤ ਗ੍ਰੇਟਰ ਮੁਹਾਲੀ ਏਰੀਆ ਡਿਵੈਲਪਮੈਂਟ ਅਥਾਰਟੀ (ਗਮਾਡਾ) ਦੀਆਂ ਫਾਈਲਾਂ, ਆਰਕੇਐਮ ਹਾਊਸਿੰਗ ਲਿਮਟਿਡ ਦੀਆਂ ਫਾਈਲਾਂ, ਅਤੇ ਪੰਜਾਬ ਪ੍ਰਦੂਸ਼ਣ ਕੰਟਰੋਲ ਬੋਰਡ (ਪੀਪੀਸੀਬੀ) ਵੱਲੋਂ ਚੰਡੀਗੜ੍ਹ ਗਰੁੱਪ ਆਫ਼ ਕਾਲਜਿਜ਼ ਨੂੰ ਸਾਲ 2025-26 ਲਈ ਮਨਜ਼ੂਰੀ ਦਿੱਤੀ ਗਈ ਹੈ।
ਇਸ ਤੋਂ ਪਹਿਲਾਂ ਇਹ ਖਬਰ ਸਾਹਮਣੇ ਆਈ ਹੈ ਕਿ ਸੀਬੀਆਈ ਨੇ ਪੰਜਾਬ ਦੇ ਮੁੱਖ ਮੰਤਰੀ ਦੇ ਓਐਸਡੀ ਰਾਜਵੀਰ ਘੁੰਮਣ ਨੂੰ ਪੁੱਛਗਿੱਛ ਲਈ ਬੁਲਾਇਆ, ਸੰਮਨ ਜਾਰੀ ਕੀਤੇ।
ਇਹ ਵੀ ਪੜ੍ਹੋ-
ਪੰਜਾਬ ਦੇ ਮੁੱਖ ਮੰਤਰੀ ਦੇ OSD ਘਰ ‘ਤੇ ਛਾਪੇ ਦੌਰਾਨ CBI ਦੀ ਗੱਡੀ ‘ਤੇ ਫੁੱਲਾਂ ਦੀ ਵਰਖਾ ਕਰਨ ਦੇ ਮਾਮਲੇ ‘ਚ SHO ਯਸ਼ਪਾਲ ਸ਼ਰਮਾ ਮੁਅੱਤਲ, 2 ਹਿਰਾਸਤ ‘ਚ
